წინასწარი მონაცემებით, არჩევნებში მილოშ ზემანი ლიდერობს. მან ხმების 58,66% მიღო, კარელ შვარცენბერგმა - 41,33%.

ქვეყანაში სულ გახსნილიიყო 14 ათას 900 საარჩევნო უბანი, მათ შორის 102 საზღვარგარეთ.

წინასწარი გამოკითხვების შედეგად ამომრჩეველთა 53,7 % ზემანს უჭერდა მხარს, შვარცენბერგს კი 46, 3 %.

აღსანიშნავია, რომ ჩეხეთის პრეზიდენტს პირველად ირჩევს ქვეყნის მთელი მოსახლეობა საყოველთაო კენჭისყრის მეშვეობით.

შესაბამის კონსტიტუციურ კანონს პირდაპირი არჩევნების შემოღების შესახებ სახელმწიფოს მეთაურმა ვაცლავ კლაუსმა გასული წლის თებერვალში მოაწერა ხელი.

ადრე, სახელმწიფოს მეთაურს პარლამენტის ორივე პალატა გაერთიანებულ სხდომაზე ირჩევდა. ასე აირჩიეს თავის დროზე ვაცლავ ჰაველი (1993-2003) და მოქმედი სახელმწიფოს მეთაური ვაცლავ კლაუსი (2003).

2013 წლის მარტში კლაუსის მეორე საპრეზიდენტო ვადა იწურება და მას მესამედ კენჭისყრის უფლება აღარ აქვს.