ცხინვალის რეგიონში ჩასულმა ჟენევის მოლაპარაკებათა თანათავმჯდომარეებმა სეპარატისტებთან შეხვედრების შემდეგ ცხინვალში პრესკონფერენცია გამართეს.
"საქართველოს ახალმა ხელისუფლებამ გამოთქვა სურვილი სამხრეთ ოსეთის, აფხაზეთისა და რუსეთის ხელისუფლებებთან თანამშრომლობისა", _ განაცხადა ცხინვალში გამართულ ბრიფინგზე ეუთოს წარმომადგენელმა - მომავალმა თანათავმჯდომარემ ჟენევის დისკუსიებისა ამ ორგანიზაციიდან ანდრიი დეშიტსიამ.
მისი თქმით, ჟენევის მოლაპარაკებათა თანათავმჯდომარეებს იმედი აქვთ, რომ მიმდინარე წელს არის "კარგი შესაძლებლობები ქართულ-ოსური კონფლიქტის მოგვარებისათვის", _ განაცხადა ეუთოს წარმომადგენელმა და აღნიშნა, რომ თანათავმჯდომარეები დისკუსიების მონაწილეებს სთავაზობენ, არ შეჩერდნენ აფხაზეთისა და ე.წ. სამხრეთ ოსეთის სტატუსის პრინციპულ საკითხებზე და ყურადღების მობილიზება უსაფრთხოების უზრუნველყოფაზე მოახდინონ.
ჟენევის მოლაპარაკებათა მორიგი რაუნდი 11-12 დეკემბერს უნდა გაიმართოს.
