კანადის პრემიერ-მინისტრს, მარკ კარნისა და უკრაინის პრეზიდენტს, ვოლოდიმირ ზელენსკის შორის სატელეფონო საუბარი შედგა.
მარკ კარნის განცხადებით, აშშ-სა და რუსეთს შორის დიზელის საწვავის შესახებ შეთანხმება უკრაინაში მშვიდობის დამყარების მცდელობებს პირდაპირ ეწინააღმდეგება.
„პრემიერმა მკაფიოდ განაცხადა, რომ ეს შეთანხმება პირდაპირ ეწინააღმდეგება უკრაინის, კანადისა და ჩვენი მოკავშირეების ძალისხმევას, ევროპაში მშვიდობისა და სტაბილურობის დასამყარებლად“, - ნათქვამია კარნის ოფისის მიერ გავრცელებულ განცხადებაში.
განცხადების თანახმად, კარნიმ ზელენსკის დაუდასტურა, რომ კანადა შეინარჩუნებს რუსეთის წინააღმდეგ დაწესებულ სანქციებს და შესაძლოა, გაამკაცროს კიდეც ისინი, რათა ხელი შეუწყოს „უკრაინაში სამართლიანი და მგრადი მშვიდობის მიღწევას“.
ლიდერებმა ასევე განიხილეს მოკავშირეებს შორის უკრაინის საჰაერო თავდაცვის მხარდაჭერის გაძლიერების საკითხი.
