საქართველოში წლებია, შემოდის და ტრიალებს ფული, რომელიც ხმარდება ქვეყანაში რევოლუციური პროცესების დაფინანსებას, გადატრიალების მცდელობებს, ანტისახელმწიფოებრივ და ანტიქართულ საქმიანობას, მათ შორის ეს ფონდები პირდაპირ საჯაროდ მოუწოდებდნენ ადამიანებს დანაშაულის ჩადენისკენ და შემდეგ მათ ჰპირდებოდნენ კომპენსაციას თუ სხვაგვარ სამართლებრივ დახმარებას, – ამის შესახებ „ნეიტრალური საქართველოს“ წევრმა, ვატო შაქარიშვილმა განაცხადა.
„ამით წვავდნენ პოლიციელებს, გადაწვეს დედაქალაქი, დააზიანეს და ჯანმრთელობის მძიმე დაზიანება მიაყენეს სამართალდამცავებს. დაზიანდა უამრავი ადამიანი, ამას ხმარდებოდა ეს ფული და არც მალავდნენ იმდენად იყვნენ გათავხედებულები მათი პატრონების მხრიდან. წლების განმავლობაში მათი დანაშაული დაუსჯელი რჩებოდა და კარგია, რომ იქმნება პრეცედენტი იმასთან დაკავშირებით, რომ ამ ქვეყანაში დანაშაულებრივი ქმედებები, რომლებსაც წლებია, აგენტურული ქსელი ახორციელებს არ დარჩება რეაგირების გარეშე, მოხდება მისი სამართლებრივი შეფასება და კონკრეტული პირები მიეცემიან პასუხისგებაში. ვიმედოვნებთ, რომ ეს არ იქნება უკანასკნელი ქმედება, რომელსაც საგამოძიებო უწყებები მიმართავენ ჩვენი განცხადების საფუძველზე. ჩვენ მივაწოდეთ პროკურატურას უამრავი დოკუმენტი, ისეთი მასალები, რომელიც სამოქალაქო პირმა შეიძლება, მოიძიოს კანონის ფარგლებში. დანარჩენი უკვე იყო პროკურატურის პრეროგატივა და როგორც ჩანს, არსებობდა ეს მტკიცებულებები, რომელიც გახდა საფუძველი ამ ფონდების დაყადაღებისთვის.
ჩვენ სხვა ორგანიზაციებთან დაკავშირებითაც გვქონდა აქცენტები ჩვენს გამოკითხვაში. ეს არის როგორც ადგილობრივი ორგანიზაციები, ისე საერთაშორისო ორგანიზაციები, მათ შორის ის ფონდები და ის დამფინანსებლები, რომლებიც აშშ-ის ახალი ადმინისტრაციის არაერთმა წარმომადგენელმა გამოაცხადა კრიმინალურ ორგანიზაციებად, მათ შორის ისინი დგანან საქართველოში არსებული ჯგუფების უკან. ყიდულობდნენ აირწინაღებს, პიროტექნიკას, წინა ხაზზე მყოფი ადამიანების პირველადი საჭიროების უზრუნველყოფას, რაც ნიშნავდა იმას, რომ იდგნენ სახელმწიფოს წინააღმდეგ განხორციელებული შეტევის უკან. ცხადია ეს ფინანსური რესურსი სამართლიანად იქნა დაყადაღებული“, –პირველი არხის ცნობით, განაცხადა შაქარიშვილმა.
შეგახსენებთ, პროკურატურამ რამდენიმე ფონდის საბანკო ანგარიშები დააყადაღა.
