2011 წლის მარტში გრიგოლ ვაშაძე ეგვიპტეს ეწვევა. საქართველოს საგარეო საქმეთა მინისტრის მოადგილემ ალექსანდრე ნალბანდოვმა მიიღო საქართველოში ეგვიპტის არაბთა რესპუბლიკის საგანგებო და სრულუფლებიანი ელჩი (რეზიდენციით ქ. ერევანში) ვაჰიდ ელ-დინ ისმაილ გალალი.
შეხვედრის დროს მხარეებმა განიხილეს ორ ქვეყანას შორის თანამშრომლობის შემდგომი გაღრმავების პერსპექტივები. ასევე საქართველოს საგარეო საქმეთა მინისტრის დაგეგმილი ოფიციალური ვიზიტი ეგვიპტეში 2011 წლის მარტში და საერთაშორისო ორგანიზაციებში ურთიერთმხარდაჭერების საკითხი.