„ლიბერალებისა და დემოკრატების ალიანსი ევროპისთვის“ [ALDE] რუსეთის მიერ ქართული ოპოზიციური პარტიის „დროას“ „რასასურველ ორგანიზაციად“ გამოცხადებას ეხმიანება.
ALDE „დროას“ მხარდაჭერას უცხადებს. მისი შეფასებით, “დროა“ თავისუფალი, დემოკრატიული და ევროპული საქართველოსთვის იბრძვის.
„ჩვენი წევრი ქართული პარტია “დროა” რუსეთმა „არასასურველ ორგანიზაციად“ გამოაცხადა იმის გამო, რომ ის იბრძვის ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის.
გასულ წელს იგივე სტატუსი მიენიჭათ ALDE Party-სა და LYMEC-საც.
ჩვენ მტკიცედ ვდგავართ პარტია „დროას“ და ყველას გვერდით, ვინც თავისუფალი, დემოკრატიული და ევროპული საქართველოსთვის იბრძვის!“ - ვკითხულობთ ALDE-ს განცხადებაში.
ცნობისთვის, რუსეთმა პოლიტიკური პარტია „დროა“ „არასასურველ ორგანიზაციად“ გამოაცხადა. რუსეთის გენერალური პროკურატურის განცხადებით, პარტია „დროას“ საქმიანობა „რუსოფობიური შეხედულებების“ გამო „არასასურველად“ გამოაცხადა.
