ბელორუსის პრეზიდენტს ალექსანდრე ლუკაშენკოს საპრეზიდენტო არჩევნებში გამარჯვება საქართველოს პრეზიდენტმა მიხეილ სააკაშვილმა მიულოცა. ინფორმაციას ამის შესახებ ბელორუსის პრეზიდენტის ოფიციალური ვებ-გვერდი ავრცელებს.
"ბელორუსის სახელმწიფოს მეთაურს არჩევნებში გამარჯვება ტელეფონით მიულოცეს ყაზახეთის პრეზიდენტმა ნურსულტან ნაზარბაევმა, საქართველოს პრეზიდენტმა მიხეილ სააკაშვილმა, ვენესუელის რესპუბლიკის პრეზიდენტმა უგო ჩავესმა.
ამას გარდა, არჩევნების შედეგებს დადებითად გამოეხმაურა რუსეთის პრეზიდენტი დიმიტრი მედვედევი. მან განაცხადა, რომ ბელორუსი რუსეთის ერთ-ერთი უახლოესი ქვეყანაა და არჩევნები მისი საშინაო საქმეა", _ იუწყება პრეზიდენტის ოფიციალური ვებ-გვერდი.
