ფრაქცია "ქრისტიან-დემოკრატების" წევრის ლევან ვეფხვაძის შეფასებით, რუსეთს, თუ მსოფლიო სავაჭრო ორგანიზაციაში გაწევრიანება სურს, მაშინ ქართულ მხარესთან მოლაპარაკებზე დათანხმება მოუწევს.
"რუსეთი ძალიან მძიმე სიტუაციაშია და თუ მართლაც სურთ მსოფლიო სავაჭრო ორგანიზაციაში გაწევრიანება, მაშინ გარკვეულ კონტაქტებზე წამოვლნენ, რადგან კრემლმა სამი წლის სახელმწიფო ბიუჯეტი სწორედ ვმო-ში გაწევრიანების გათვალისწინებით დაგეგმა", - აღნიშნა ვეფხვაძემ.
ამასთან, დეპუტატის შეფასებით, მოლაპარაკებების დაწყება სწორედ ქართული მხარის ინტერესებში შედის, რადგან თუ დაფიქსირდა, რომ მოსკოვი სააკაშვილის ხელისუფლებასთან დიალოგზე წამოვიდა, მაშინ დასავლეთს უფრო მეტი მოტივაცია მიეცემა რუსეთზე ზეწოლის.
"რუსეთი ახლა ჩიხშია. თუ დაფიქსირდა, რომ ის ღიად და საჯაროს სააკაშვილის ხელისუფლებას ელაპარაკება თუნდაც ვმო-ში გაწევრიანების საკითხზე, მაშინ კრემლს მოუწევს დალაპარაკება იმ საკითხებზეც, რომელიც ოკუპაციასა და კონფლიქტურ რეგიონებს ეხება", - აღნიშნა მან.
შეგახსენებთ, რომ საქართველოს ხელისუფლება ვმო-ში რუსეთის გაწევრიანებას მხარს არ უჭერს, თუმცა მზადყოფნას აცხადებს დიალოგის რეჟიმში აღნიშნული საკითხი სხვა მნიშვნელოვან თემებთან ერთად განიხილოს.
