2011 წელს მთავრობა მშპ-ის ზრდის მაღალ ტემპს მოელის. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, დღგ-ის ბრუნვები ყველაზე ახლო კოლერაციაშია მშპ-ის ზრდასთან.
"გასულ კვირას გამოვიტანეთ 3 კვარტალის ეკონომიკური პარამეტრები და მშპ-ის ზრდა არის 6,5 პროცენტი, რაც საკმაოდ მაღალი ციფრია და ამას არ ველოდით. მშპ-ის ზრდას 2010 წლის ბოლოს 6 პროცენტზე მაღლა ველოდებით", - განაცხადა ნიკა გილაურმა.
პრემიერ-მინისტრის განმარტებით, ნოემბრის თვის მონაცემების მიხდევით, დღგ-ის ბრუნვა 12 პროცენტი შეადგინა, რაც წლის განმავლობაში ერთ-ერთი მაღალი მაჩვენებელია.
"მეოთხე კვარტალში ზრდა გვაქვს, თუმცა, ანალოგიური ზრდა სახეზე იყო გასული წლის მეოთხე კვარტალშიც. ვიმედოვნებ, რომ ეს ციფრები მოგვცემს საშუალებას, მშპ კიდევ მაღალი იყოს წელს და ასევე 2011 წელსაც", - განაცხადა ნიკა გილაურმა.