დღგ-ის ზედმეტობებისგან ბიზნესს 170 მილიონი ლარი დაუბრუნდა. ამის შესახებ განცხადება პრემიერ-მინისტრმა ნიკა გილაურმა მთავრობის სხდომაზე გააკეთა.
ნიკა გილაურის განმარტებით, 2008-2009 წლებში უკან დაბრუნებული თანხების რაოდენობამ 108 მილიონი და 127 მილიონი შეადგინა. 2010 წელს კი ეს თანხა 170 მილიონამდეა გაზრდილი. ჯამში ეს გაკეთებულია 754 კომპანიისთვის ანუ ეს ის თანხებია, რომელიც სახელმწიფომ დროულად დაუბრუნა კერძო სექტორს, ხოლო კერძო სექტორმა უკან ეკონომიკაში ჩაატრიალა.
შეგახსენებთ, რომ აღნიშნული ინციატივით გასული წლის დეკემბერში პრეზიდენტი მიხეილ სააკაშვილი გამოვიდა და მთავრობის წევრებს დღგ-ის ზედმეტობებიდან დაბრუნების გამარტივება შესთავაზა.