უახლოეს წლებში აჭარის მთავრობა სამი ძირითადი მიმართულებთ იმუშავებს.
აჭარის მთავრობის ეკონომიკური პოლიტიკის პრიორიტეტები 2011 წლისათვის და შემდგომი უახლოესი წლებისთვის შემდეგია: რეგიონის ეკონომიკური უსაფრთხოების გაძლიერება - რაც გულისხმობს ინფრასტრუქტურის შემდგომ განვითარებას და დახვეწას, რეგიონის ეკონომიკის ტრადიციული სექტორების მოდერნიზაციის ხელშეწყობას, საინვესტიციო გარემოს გაუმჯობესებას როგორც მსხვილი, ასევე საშუალო და მცირე ბიზნესისათვის; აჭარის როგორც უმაღლესი კლასის ტურისტული დანიშნულების ადგილის განვითარება და აჭარის მეტროპოლიტანური ზონების - ბათუმისა და ქობულეთის განვითარება",- ამის შესახებ სააგენტო "ჯი-ეიჩ-ენთან" საუბრისას აჭარის ფინანსთა და ეკონომიკის მინისტრმა ვაჟა ბოლქვაძემ განაცხადა.
მინისტრი რეგიონის 2010 წლის ეკონომიკურ განვითარებას დადებითად აფასებს, რადანაც მიჩნია რომ 2010 წელს აჭარაში ინფრასტრუქტურის განვითარებისათვის ძალიან ბევრი სამუშაო ჩატარდა.
"2010 წლის აჭარის ავტონომიური რესპუბლიკის მთავრობის პრიორიტეტს წარმოადგენდა ტურისტული პოტენციალის სრული რეალიზების ხელშეწყობა, რაც გამოიხატა ინვესტიციების ჩადებით ინფრასტრუქტურულ პროექტებში.
2010 წლისათვის განხორციელებულ იქნა ძველი ბათუმის წყლისა და კანალიზაციის სისტემის სრული რეაბილიტაცია. კეთილმოწყობილ იქნა ამავე ტერიტორიის საავტომობილო გზები და ტროტუარები. ასევე ინტენსიური სამუშაოები ჩატარებულ იქნა ბათუმისა და ქობულეთის წყლისა და კანალიზაციის სისტემების, სანიაღვრე არხების რეაბილიტაციის, სახელმწიფო და ადგილობირივი მნიშვნელობის გზებისა და ხიდების მშენებლობისა და რეაბილიტაციის, ბათუმის ახალი ბულვარის მშენებლობისა და ძველი ბულვარის რეაბილიტაციის მიმართულებით.
გარდა ინფრასტრუქტურული პროექტებისა აჭარის ავტონომიური რესპუბლიკის მთავრობის მიმდინარე წლის პრიორიტეტს წარმოადგენდა ჯანმრთელობისა და სოციალური დაცვის, გარემოს დაცვის, განათლებისა და სოფლის მეურნეობის განვითარების მხარდაჭერის პროგრამების დაფინანსება",- განაცხადა აჭარის ფინანსთა და ეკონომიკის მინისტრმა.
ვაჟა ბოლქვაძის განმარტებით, 2010 წელი მნიშვნელოვანია იმითაც, რომ წელს წელს შეიქმნა ქობულეთის თავისუფალი ტურისტული ზონა (17,3 ჰა მიწის ნაკვეთზე), სადაც უკვე კერძო ინვესტიციებით დაწყებულია 12 ერთეული სასტუმროს მშენებლობა და უახლოეს მომავალში იგეგმება დამატებით 18 ერთეული სასტუმროს მშენებლობა.
"ასევე აქტიურად მიმდინარეობს მოლაპარაკებები უცხოელ ინვესტორებთან, ხელვაჩაურში (15 ჰა მიწის ნაკვეთზე) თავისუფალი ინდუსტრიული ზონის შექმნასთან დაკავშირებით, სადაც მეწარმეები ისარგებლებენ განსაკუთრებული საგადასახადო შეღავათებით",- აცხადებს ვაჟა ბოლქვაძე.