როგორც ერთ ამერიკელს უკრაინამ არა მხოლოდ უკრაინა, არამედ საქართველოც მაჩუქა, - ამის შესახებ განაცხადა ჰოლივუდის მსახიობმა და რეჟისორმა შონ პენმა, რომელიც თბილისში იმყოფება.
„ბედნიერება ადამიანებისთვის ერთიანობას ნიშნავს. მთელი ჩემი ცხოვრების განმავლობაში, უკრაინა საქართველოს გარეშე არ არსებობდა და ახლაც ასეა. როგორც ერთ ამერიკელს უკრაინამ არა მხოლოდ უკრაინა, არამედ საქართველოც მაჩუქა.
მე შემიძლია ვუთხრა ქართველებს სიმართლე, რომელიც ვიცი საწყენია, მაგრამ ბოლო 24 საათის განმავლობაში უფრო მეტი გავიგე, ვიდრე მთელი ცხოვრება ვიცოდი ამ ქვეყნის შესახებ, ახლა კი საქართველოზე ყოველმხრივ შემიძლია საუბარი. რაც შეეხება უკრაინას, მე მათ სოლიდარობას ვუცხადებ. უკრაინას ახლა ყველაზე მეტად სჭირდება მხარდაჭერა, რადგან ისინი იცავენ ახლა საკუთარ სახლებსა და ოჯახებს” - თქვა შონ პენმა. {თარგმანი: მთავარი არხი}
შონ პენი ამბის თხრობის საერთაშორისო ფესტივალში (ZEG Tbilisi Storytelling Festival) იღებს მონაწილეობას, რომლის საუბრის მთავარი თემა უკრაინაში მიმდინარე ომი და ოკუპაციაა.
ფოტო: ZEG - Tbilisi Storytelling Festival
