დიდი ბრიტანეთის თავდაცვის სამინისტროში აცხადებენ, რომ ბოლო 48 საათში უკრაინის აღმოსავლეთსა და სამხრეთში, ზოგიერთ მონაკვეთზე მნიშვნელოვანი ოპერაციები ჩატარდა.
ბრიტანეთის დაზვერვის თანახამდ, ზოგიერთ რაიონში უკრაინის არმიამ, სავარაუდოდ, მნიშვნელოვან პროგრესს მიაწია და რუსეთის თავდაცვის პირველი ხაზი გაარღვია. სხვა მონაკვეთებზე უკრაინული ქვედანაყოფები წინ გაცილებით ნელა მიიწევენ.
ამავე დროს, რუსეთის ძალების მოქმედებები არაერთმნიშვნელოვანი იყო: ზოგიერთი ქვედანაყოფი, სავარაუდოდ, ატარებს დამაჯერებლ მანევრულ თავდაცვით ოპერაციებს, მაშინ როცა სხვა ქვედანაყოფები უკან უწესერიგოდ იხევენ და დიდ დანაკარგს განიციდან მათ მიერვე დანაღმული ველიდან უკან დახევის ფონზე.
ანგარიშის თანახმად, რუსული სამხედრო-საჰაერო ძალები უჩვეულოდ აქტიურები იყვნენ უკრაინის სამხრეთში, სადაც რუსეთისთვის საჰაერო სივრცე გაცილებით სახიფათოა, ვიდრე ქვეყნის სხვა ადგილებში. თუმცა კვლავ გაუგებარი რჩება იყო თუ არა ტაქტიკური ავიადარტყმები ეფექტური.
ამასთან, ესტონური დაზვერვის ცნობით, ბრძოლების ინტენსივობა განსაკუთრებით გაიზარდა ზაპოროჟიეს ოლქში.
მანამდე CNN-ი ამერიკელ ოფიციალურ პირებზე დაყრდნობით იუწყებოდა, რომ უკრაინის არმიამ ბახმუტის რაიონში პირველ წარმატებას თავდაცვის ხაზის გარღვევის დროს მიაღწია, თუმცა მნიშვნელოვანი დანაკარგები განიცადა.