უკრაინის შეიარაღებულ ძალებს რუსეთის მიერ ოკუპირებული ტერიტორიების დასაბრუნებლად კონტრშეტევა ჯერ კიდევ არ დაუწყიათ, თუმცა მისი დასაწყისი ყველასთვის ცხადი იქნება. ამის შესახებ უკრაინის ეროვნული უსაფრთხოების საბჭოსა მდივანმა ოლექსი დანილოვმა Reuters-თვის გაკეთებულ კომენტარში განაცხადა. ამგვარად მან უარყო რუსეთის ოფიციალური პირების განცხადება, რომ უკრაინამ კონტრეშეტევა უკვე დაიწყო.
მან გამოთქვა მოსაზრება, რომ რუსმა ოფიციალურმა პირებმა უკრაინის შეიარაღებული ძალების წარმატება ფრონტის ზოგიერთ მონაკვეთზე მასშტაბური ოპერაციის დაწყებად მიიჩნიეს.
„ეს ყყველაფერი სიმართლე არ არის. ჩვენი სამხედროები გადაწყვეტენ, როდის უნდა დაიწყოს {კონტრშეტევა}. როდესაც კონტრშეტევას დავიწყებთ, ამის შესახებ ყველასთვის ცნობილი გახდება“, - განაცხადა დანილოვმა.
დღეს, რუსეთის უშიშროების საბჭოს თავმჯდომარის მოადგილემ, დმიტრი მედვედევმა განაცხადა, რომ უკრაინამ კონტრშეტევა დაიწყო.
„მტერი დიდი ხანია გვპირდებოდა დიდ კონტრშეტევას და როგორც ჩანს რაღაც უკვე დაიწყო... მტერი და დასავლური სამყარო, რომელიც მას მხარს უჭერს, მზად არის ყველაფრისთვის, რომ ჩვენი ქვეყანა დედამიწის პირიდან აღგავოს”, - განაცხადა მედვედევმა.