უკრაინის პრეზიდენტის ოფისის ხელმძღვანელის ოლქსეი კულებას განცხადებით, რუსეთის მიერ განადგურებული კახოვკის ჰიდროელექტროსადგურის აღდგენა ან ახალი კაშხლის აშენება ხერსონის ოლქის გათავისუფლებამდე შეუძლებელი იქნება.
„კახოვკის ახალი ჰიდროელექტროსადგურის აშენება ან სრული აღდგენა მას შემდეგ მოხდება, რაც ფრონტზე ვითარება დასტაბილურდება, მას შემდეგ, რაც მტერს დავამარცხებთ, ეს {კაშხლის აფეთქება} სერიოზულად აისახება რეგიონის ეკოლოგიურ მდგომარეობაზე და ხერსონის ოლქისა და ყირიმის სასიცოცხლო მნიშვნელობის უზრუნველყოფაზე“, - განუცხადა კულებამ რადიოთავისუფლებას.
რუსეთის საოკუპაციო ძალებმა დღეს დილით ააფეთქეს ხერსონის ოლქში მდებარე კახოვკის ჰიდროელექტროსადგური. ხერსონიდან მიმდინარეობს მოსახლეობის ევაკუაცია. რამდენიმე დასახლებული პუნქტი უკვე ნაწილობრივ ან მთლიანად დატბორილია.
ხერსონის ოლქის ადმინისტრაციის ხელმძღვანელის, ოლექსანდრ პროკუდინის ინფორმაციით, ხერსონის ოლქის მარჯვენა სანაპიროზე 71 სახლი დაიტბორა, მიმდინარეობს მოსახლეობის ევაკუაცია.
