აშშ-ის სახელმწიფო მდივნის თანაშემწის მოადგილე ერიკა ოლსონი საქართველოს ეწვევა. ინფორმაციას საქართველოში ამერიკის საელჩო ავრცელებს.
"ერიკა ოლსონი, აშშ-ის სახელმწიფო დეპარტამენტის მდივნის თანაშემწის ახლადდანიშნული მოადგილე ევროპისა და ევრაზიის საკითხებში, გაემგზავრება სომხეთში, აზერბაიჯანსა და საქართველოში რეგიონული თანამშრომლობის ხელშეწყობისა და ორმხრივი საკითხების განსახილველად.
ერევანში ყოფნისას, 2-4 ნოემბერს სომხეთში აშშ-ის ელჩ ლინ ტრეისისთან, საქართველოში აშშ-ის ელჩ კელი დეგნანთან, აზერბაიჯანში აშშ-ის ელჩ ლი ლიცენბერგერთან, კავკასიის მოლაპარაკებებში უფროს მრჩეველ ენდრიუ შოფერთან და USAID-ის ადმინისტრატორის თანაშემწის მოადგილე ალექსანდერ სოკოლოვსკისთან ერთად თანაშემწის მოადგილე ოლსონი მონაწილეობას მიიღებს მისიის ხელმძღვანელთა რეგიონულ შეხვედრაში.
ჩვენ მოხარული ვართ, რომ აღვადგინოთ ეს დიდი ხნის ტრადიცია და შევიკრიბოთ ჩვენს კოლეგებთან რეგიონიდან და ვაშინგტონიდან, რათა გავცვალოთ იდეები და ინფორმაცია, სამივე ქვეყნის მიმართ რეგიონში ჩვენი პოლიტიკის გასაუმჯობესებლად.
მონაწილეები ჩაერთვებიან შიდა დისკუსიებში, ასევე საინფორმაციო შეხვედრებში სომხეთის მთავრობისა და სამოქალაქო საზოგადოების წარმომადგენლებთან", - ნათქვამია გავრცელებულ ინფორმაციაში.
