კუნძულ კრეტაზე მოხდა ძლიერი მიწისძვრა. საბერძნეთში საქართველოს საელჩოს ინფორმაციით, ამ დროისთვის, დაზარალებულებს შორის ქართველები არ არიან.
"ძვირფასო თანამემამულეებო, დღეს, 27 სექტემბერს, კუნძულ კრეტაზე მოხდა ძლიერი მიწისძვრა. საელჩო კავშირზეა კუნძულზე მცხოვრებ თანამემამულეებთან. ამ დროისთვის, ჩვენი ინფორმაციით, დაზარალებულებს შორის არავინაა ქართველი.
შეგახსენებთ, რომ საჭიროების შემთხვევაში, შეგიძლიათ დაგვიკავშირდეთ ცხელ ხაზზე, რომელიც 24 საათის განმავლობაში ფუნქციონირებს +30 6995779793. ასევე შეგიძლიათ მოგვწეროთ საელჩოს ან საკონსულო განყოფილების ფბ მესინჯერში", აღნიშნულია საელჩოს განცხადებაში.
