გერმანიის თავდაცვის მინისტრი ბორის პისტორიუსი აშშ-ის, რუსეთისა და უკრაინის დაგეგმილი სამმხრივი შეხვედრის მიმართ სკეპტიციზმს გამოხატავს და მისგან დიდ მოლოდინებს არ ელოდება.
როგორც გამოცემა NTV წერს, ამის შესახებ პისტორიუსმა ბერლინში, ბრიტანელ კოლეგა უეს სტრიტინგთან შეხვედრისას განაცხადა.
პისტორიუსის თქმით, გასულ წელს გამართულმა მოლაპარაკებებმა, სადაც არ უნდა ჩატარებულიყო ისინი, უკრაინის უფრო ინტენსიური დაბომბვის გარდა, შედეგი არ მოიტანა.
გერმანიის თავდაცვის მინისტრმა ასევე აღნიშნა, რომ ევროპაში მტკიცე მშვიდობის მიღწევა შეუძლებელია, თუ მოლაპარაკებების მაგიდასთან ევროპელები არ იქნებიან წარმოდგენილი.
ბრიტანეთის თავდაცვის მინისტრმა უეს სტრიტინგმა კი ხაზგასმით აღნიშნა, რომ უკრაინასთან დაკავშირებით გადაწყვეტილება უკრაინის მონაწილეობის გარეშე ვერ მიიღება.
რუსეთის, უკრაინისა და აშშ-ის წარმომადგენლებს შორის მოლაპარაკებები, სავარაუდოდ, ნოემბერში, აბუ-დაბიში გაიმართება.
უკრაინის პრეზიდენტმა ვოლოდიმირ ზელენსკიმ განაცხადა, რომ ევროპელი ლიდერების მიერ კრემლის ლიდერთან საუბრის შემდეგ შეიქმნა შთაბეჭდილება, რომ რუსეთი აბუ-დაბიში მომლაპარაკებელთა ჯგუფების შეხვედრისთვის სერიოზულად ემზადება.
