რუმინეთი საქართველოს ვაქცინის 10 000 დოზას გადასცემს. ამის შესახებ საქართველოში რუმინეთის ელჩმა რეზვან როტუნდუმ განაცხადა.
მისი განცხადებით, რუმინეთისგან საქართველო ასტრაზენეკას ვაქცინებს მიიღებს.
"2021 წლის 8 ივლისის სხდომაზე, რუმინეთის მთავრობამ მიიღო გადაწყვეტილება საქართველოსთვის ასტრაზენეკას ვაქცინის 10 000 დოზის გადაცემის შესახებ. ვაქცინის მიწოდება უახლოეს დღეებში მოხდება", - აცხადებს როტუნდუ.
