საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო მუჯირი და საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე ორბელიანების სასახლეში პრეზიდენტ სალომე ზურაბიშვილს შეხვდნენ.
ორბელიანების სასახლე მეუფე შიომ კომენტარის გარეშე დატოვა. დეკანოზმა ჯაღმაიძემ კი განაცხადა, რომ არ იცის რა საკითხზე მიმდინარეობდა შეხვედრა.
საპატრიარქოს წარმომადგენლების შემდეგ, ორბელიანების სასახლეში მივიდნენ შინაგან საქმეთა მინისტრი ვახტანგ გომელაური და საპატრულო პოლიციის დეპარტამენტის უფროსი ვაჟა სირაძე.
ოფიციალური ინფორმაცია პრეზიდენტის ადმინისტრაციას ჯერჯერობით არ გაუვრცელებია.
