საქართველო მასობრივ ვაქცინაციას იწყებს. ქვეყანაში უკვე შემოსულია 1 მლნ დოზა კოვიდვაქცინა, ასევე 1 თვეში იგეგმება კიდევ 1 მლნ დოზა ვაქცინის შემოტანაც. ორივე შემთხვევაში საუბარია "სინოფარმისა" და "სინოვაკის" ვაქცინებზე.
ივლისის ბოლომდე დაიწყება ასევე 1 მლნ დოზა "ფაიზერის" ვაქცინების მოწოდებაც.
„დღეს ჩვენ ჩამოგვივიდა მილიონი დოზა ვაქცინა. ეს არის ჯანმრთელობის მსოფლიო ორგანიზაციის მიერ აღიარებული ავტორიზებული ჩინური „სინოფარმისა“ და „სინოვაკის“ ვაქცინები, რომელსაც ჩვენი მოსახლეობა კარგად იცნობს. მილიონი დოზა არის უკვე ადგილზე. ჩვენ ახლა ვართ მზად, ორშაბათიდან უკვე დავიწყოთ მასობრივი ვაქცინაციის პროცესი. მინდა, მოსახლეობას დამატებითი ინფორმაცია მივაწოდო შემდეგი დოზების შემოსვლის თაობაზე. მოგეხსენებათ, ბოლო რამდენიმე თვის განმავლობაში აქტიურად ვიმუშავეთ პირდაპირ, უშუალოდ მწარმოებლებთან. ისე, როგორც მოხდა ჩინური ვაქცინების შემთხვევაში, აქტიურად ვაწარმოეთ მოლაპარაკებები და წარმატებით დავასრულეთ“, – განახცადა ღარიბაშილმა.
