აშშ-ის პრეზიდენტმა დონალდ ტრამპმა განაცხადა, რომ წინააღმდეგი არ არის, უკრაინის პრეზიდენტი ვოლოდიმირ ზელენსკი მაიამიში დაგეგმილ „დიდი ოცეულის“ (G20) სამიტზე მიიწვიოს.
ჟურნალისტებმა ტრამპს ჰკითხეს, მიიწვევდა თუ არა ზელენსკის სამიტზე, რადგან აშშ-მა რუსეთის პრეზიდენტი ვლადიმ-რ პუტინი მიიწვია.
„დიახ, დიდი სიამოვნებით. პრობლემა არ არის“, - უპასუხა ტრამპმა.
აშშ-მა რუსეთის პრეზიდენტი ვლადიმერ პუტინი მაიამიში დეკემბერში დაგეგმილ „დიდი ოცეულის“ (G20) სამიტზე მიიწვია, სადაც მას შესაძლოა აშშ-ის პრეზიდენტ დონალდ ტრამპთან შეხვედრის შესაძლებლობა ჰქონდეს.
რუსეთის საგარეო საქმეთა მინისტრი სერგეი ლავროვი კი აშშ-ში 30 ოქტომბერს ჩავიდა, რათა „დიდი ოცეულის“ საგარეო საქმეთა მინისტრების შეხვედრაში მიეღო მონაწილეობა.
ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა კაია კალასმა განაცხადა, რომ ლავროვს სამშვიდობო მოლაპარაკებებისთვის მზადყოფნა არ გამოუვლენია.
