ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში გლოვის დღედ გამოცხადდა.
მთავრობის განკარგულებით, გლოვის დღესთან დაკავშირებით, საქართველოს მთელ ტერიტორიაზე სახელმწიფო დროშები დაეშვა.
ცნობისთვის, ფონიჭალაში, საცხოვრებელი კორპუსის მეხუთე სართულზე ბუნებრივი აირის დაგროვების შედეგად აფეთქება 19 ნოემბერს მოხდა. უბედური შემთხვევის შედეგად დაიღუპა 6 ადამიანი, 5 კი - დაშავდა.
ტრაგიკული შემთხვევის შედეგად დაიღუპნენ 38 წლის ნინო ჭელიძე და მისი შვიდი წლის შვილი ნუცა ფხალაძე, 33 წლის ვერონიკა ვანიშვილი-რისტიჩი და მისი ექვსი წლის შვილი არიანა რისტიჩი, 55 წლის ლალი შიშმანაშვილი და 28 წლის ჯაბა საყევარაშვილი.