ოპოზიციონერი პოლიტიკოსი თეონა აქუბარდია გამოეხმაურა საკონსტიტუციო სასამართლოში „ქართული ოცნების“ წარმომადგენლის, გიორგი კახიანის კითხვას, რომელმაც ოპოზიციას მიმართა: „საკითხი, ასე რომ დადგეს და იყოს შემოთავაზება, რომ შესაძლებელი იყოს საქართველოს ევროკავშირში ან ნატო-ში ინტეგრაცია, ოღონდ ოკუპირებულ ტერიტორიებზე უარის თქმის ხარჯზე, ხელისუფლებაში რომ იყოთ, დაეთანხმებოდით თუ არა? კითხვა მარტივია - კი ან არა!“
როგორც თეონა აქუბარდია წერს, ესაა პარტია, რომელიც ბოდიშს უხდის ოკუპანტს, წირავს ქვეყნის სუვერენულ არჩევანს და კრემლის ენას იყენებს პროდასავლური პარტიების აკრძალვის პროცესში.
"ქართული ოცნება" საკონსტიტუციო სასამართლოში პარტიების აკრძალვის პროცესზე კითხულობს დაშვების დონეზე თქვენ რომ იყოთ ტერიტორიულ მთლიანობას აირჩევდით თუ ნატოსა და ევროკავშირში გაწევრიანებასო.
გაბედეს და რუსული ნარატივის შემცველი კითხვა დასვეს მაშინ, როცა კრემლი მიუხედავად საქართველოს შეჩერებული პროდასავლური კურსისა მაინც ითხოვს ჩვენ ოკუპირებული ტერიტორიების ე.წ. დამოუკიდებლობის აღიარებას და საზღვრების გავლებას.
ესაა პარტია, რომელიც ბოდიშს უხდის ოკუპანტს, წირავს ქვეყნის სუვერენულ არჩევანს და კრემლის ენას იყენებს პროდასავლური პარტიების აკრძალვის პროცესში.
ყველაფერი იწერება და არავის დაავიწყდება ეს ყველაფერი", - წერს აქუბარდია.