აშშ-ის პრეზიდენტი დონალდ ტრამპი ჩინეთში რუსეთის პრეზიდენტ ვლადიმერ პუტინთან პირისპირ შეხვედრას გეგმავს.
ამის შესახებ გერმანული საინფორმაციო სააგენტო dpa ანონიმურ ამერიკელ მაღალჩინოსანზე დაყრდნობით იუწყება.
წყაროს ცნობით, ტრამპისა და პუტინის შეხვედრა ხუთშაბათს, 19 ნოემბერს არის დაგეგმილი. მანამდე აშშ-ის პრეზიდენტმა განაცხადა, რომ კრემლის ლიდერთან ორმხრივ ფორმატში საუბარი სურდა.
ამასთან, რუსეთის პრეზიდენტის პრესმდივანმა დმიტრი პესკოვმა განაცხადა, რომ 19 ნოემბერს ტრამპსა და პუტინს შორის სრულფასოვანი მოლაპარაკებები არ გაიმართება. მისი თქმით, ლიდერებს არც ოთხშაბათს, 18 ნოემბერს გამართულ საზეიმო მიღებაზე ჰქონიათ შინაარსიანი საუბარი.
ამავე დროს, 19 ნოემბერს, აზია-წყნარი ოკეანის ეკონომიკური თანამშრომლობის (APEC) სამიტის ფარგლებში, აშშ-ის, რუსეთისა და ჩინეთის ლიდერების სამმხრივი შეხვედრაც გაიმართება. კრემლის პრესსპიკერის განცხადებით, დონალდ ტრამპს, ვლადიმირ პუტინსა და სი ძინპინს შეხვედრისთვის ერთი საათი აქვთ გამოყოფილი.
უკრაინის საგარეო საქმეთა მინისტრმა ანდრი სიბიჰამ იმედი გამოთქვა, რომ ტრამპი და სი ძინპინი საკუთარ გავლენას გამოიყენებენ რუსეთ-უკრაინის ომის დასრულების ხელშესაწყობად.
თუმცა, ცალკე შეხვედრის შესახებ ინფორმაცია კრემლმა უარყო. პესკოვის განცხადებით, ტრამპსა და პუტინს შორის სრულფასოვანი ორმხრივი მოლაპარაკებები დაგეგმილი არ არის. მან არ გამორიცხა, რომ პრეზიდენტებმა მოკლედ ისაუბრონ, თუმცა აღნიშნა, რომ ამისთვის დროის გამონახვა ჯერჯერობით ვერ ხერხდება.
ცალკე შეხვედრის შესახებ ინფორმაცია ასევე გაავრცელა Associated Press-მა, რომელიც ანონიმურ ამერიკელ მაღალჩინოსანს ეყრდნობა. სააგენტოს ცნობით, ტრამპი პუტინთან პირისპირ შეხვედრას სამმხრივი მოლაპარაკებების გარდა გეგმავს.