COVID-19 ვაქცინის 1 000 000 დოზა საქართველოშია, აღნიშნულის შესახებ ინფორმაციას Metro-logistics ავრცელებს.
“დაავადებათა კონტროლის ეროვნული ცენტრის დაკვეთით, Metro Logistics-მა კიდევ ერთხელ უზრუნველყო ტვირთის საქართველომდე ტრანსპორტირებისთვის საჭირო ყველა საბაჟო პროცედურა და სრული ლოგისტიკური პროცესი”, აცხადებენ Metro-logistics-ში.
ჯერჯერობით უცნობია, თუ რომელი ვაქცინის დოზები ჩამოვიდა საქართველოში, მაგრამ სავარაუდოდ, ეს უნდა იყოს "სინოფარმისა" და "სინოვაკის" პრეპარატებით. რამდენიმე დღით ადრე, ჯანდაცვის სამინისტრო იუწყებოდა, რომ კვირის ბოლოს "სინოფარმის" და "სინოვაკის" ნახევარ-ნახევარი მილიონი დოზა ვაქცინა შემოვიდოდა.
შეგახსენებთ, რამდენიმე წუთში, მთავრობის ადმინისტრაციაში, ვაქცინაციასთან დაკავშირებით ბრიფინგი გაიმართება.
