"თბილისი პრაიდის" კვირეულის მოწინააღმდეგეები საპროტესტო აქციას მართავენ ტერიტორიის სიახლოვეს, სადაც „პრაიდის“ კვირეულის ფარგლებში პირველი ღონისძიება უნდა გაიმართოს.
საპატრულო და კრიმინალური პოლიციის წარმომადგენლებს ადგილზე ცოცხალი ჯაჭვი აქვთ გაკეთებული. ასევე ტერიტორიაზე განთავსებულია რკინის კონსტრუქციები.
ცოტა ხნის წინ, ტერიტორიაზე ვითარება დაიძაბა. პრაიდის მოწინააღმდეგები ეცადნენ დაებლოკათ შესასვლელი ტერიტორიისა, სადაც პრაიდის აქტივისტები და მიწვეული სტუმრები შედიოდნენ.
რადიკალური ჯგუფების წარმომადგენლებმა კვერცხები და ქვები ისროლეს პრაიდის ღონისძიების მონაწილეთა მისამართით. ადგილზე ისმის შეურაცხმყოფელი ჰომოფობიური შეძახილები.
"თბილისი პრაიდის" ფარგლებში დაგეგმილი პირველი ღონისძიება - დახურული კინოჩვენება უნდა 19:00 საათზე უნდა დაიწყოს. ღონისძიებას საქართველოში აკრედიტებული ელჩები დაესწრებიან. ფილმის ჩვენების შემდეგ გაიმართება დისკუსიაც.
ფოტო: 1tv.ge
