პარტია "ლელო საქართველოსთვის" ლიდერის მამუკა ხაზარაძის განცხადებით, ბიზნესმენი თემურ ჭყონია თბილისის მერობის კარგი კანდიდატი იქნება. ამის შესახებ ხაზარაძემ ტელეკომპანია "პირველის" ეთერში განაცხადა.
ხაზარაძის თქმით, მას ჰქონდა საუბარი, თუმცა არ ადასტურებს, რომ თემურ ჭყონიასგან ამ საკითხზე დადებითი პასუხი მიიღო.
"თემურ ჭყონია იქნება ძალიან კარგი კანდიდატი, უპარტიო. ვფიქრობ, კარგია, რაც მეტი საქმიანი ხალხი მოვა, რომელსაც არ აქვს არანაირი პარტიული მიკერძოება და არის თავისუფალი, სულ კრიტიკულად გამოთქვამს და არის ამხელა ორი უზარმაზარი ამერიკული კორპორაციის წარმატებული ადამიანი, რომელმაც ტრანსფორმირება გააკეთა. თემურს ქართული ბიზნესის ლოკომოტივად მივიჩნევ.
ვისურვებდი, ასეთი მერი ჰყავდეს ქალაქს. მქონდა საუბარი. ვერ დაგიდასტურებთ, რომ მისგან დადებითი პასუხი მივიღე", - განაცხადა ხახაზაძემ.
