საქართველოში კორონავირუსის შემთხვევების სწრაფი გავრცელება და გაზრდილი სიკვდილიანობა შესაძლოა, ინდური შტამის გავრცელებასთან იყოს დაკავშირებული, მიიჩნევს ჯანდაცვის მინისტრის მოადგილე თამარ გაბუნია.
მისი განმარტებით, „დელტა“ ვარიანტის, ეგრეთ წოდებული ინდური შტამის გავრცელების შესახებ დაავადებათა კონტროლის ცენტრმა ადრეც გაავრცელა ინფორმაცია.
"ბოლო პერიოდის განმავლობაში დამატებით შვიდი შემთხვევა დადასტურდა, რაც მიუთითებს, რომ ქვეყანაში ინდური შტამი ცირკულირებს. დაახლოებით 10-დან 20 პროცენტზეა შესაძლო გავრცელება. არ არის გამორიცხული, რომ შემთხვევების სწრაფი გავრცელებაც და შედარებით მძიმე მიმდინარეობა, რაც გაზრდილ სიკვდილიანობას უკავშირდება, კავშირში იყოს დელტა შტამის გავრცელებასთან. თუმცა ამ ეტაპზე მიზეზ-შედეგობრივი დაკავშირება რთულია“, – განაცხადა თამარ გაბუნიამ.
