ნიკა მელიას ადვოკატი დიტო საძაგლიშვილი მოსამართლე ნინო ჩახნაშვილის აცილებას ითხოვს. მიზეზად საძაგლიშვილი მის დამოუკიდებლობასა და მიუკერძოებლობასთან დაკავშირებით არსებულ შეკითხვებს ასახელებს .
"შსს აპირებს მის [ნიკა მელიას] დაპატიმრებას, სპეცდანიშნულების რაზმის მობილიზება ნიშნავს, რომ გადაწყვეტილება ნიკა მელიას დაპატიმრებაზე, უკვე მიღებულია. მოგმართავთ შუამდგომლობით, აიცილოთ ეს საქმე" - მიმართა საძაგლიშვილმა მოსამართლეს.
მისივე თქმით, მელიას საქმეზე გადწყვეტილება უკვე მიღებულია, თუმცა ეს გადაწყვეტილება მოსამართლეს არ მიუღია. როგორც საძაგლიშვილი ამბობს, ამაზე მეტყველებს პოლიციელების განსაკუთრებული მობილიზაცია ენმ-ს ოფისთან.
ბრალდების მხარე დაცვის მხარეს მოსამართლის აცილებასთან დაკავშირებით არ ეთანხმება.
მანამდე გავრცელდა ცნობები იმასთან დაკავშირებით, რო ნაციონალური მოძრაობის ოფისთან სპეცდანიშნულების რაზმებია მობილიზებული.