რუსეთის მოქალაქეების 47% კეთილგანწყობილია შეერთებული შტატების, ხოლო 52% ევროკავშირის მიმართ. ინფორმაციას რუსული გამოცემა "ვედომოსტი" კვლევით ცენტრ "ლევადაზე" დაყრნდნობით ავრცელებს.
ახალი სოცილოგიური გამოკითხვის შედეგების მიხედვით, რუსეთის მოქალაქეების წილი, რომლებიც პოზიტიურ დამოკიდებულებას ავლენენ აშშ-ის მიმართ, 2018 წლის მაისთან შედარებით გაორმაგდა.
2018 წლის მაისში ჩატარებული კვლევის მიხედვით, რუსეთის მოქალაქეების 20% იყო კეთილგანწყობილი შეერთებული შტატების მიმართ.
გასული წლის მონაცემებთან შედარებით, გამორმაგებულია ასევე რუსეთის მოქალაქეების წილი, რომლებიც პოზიტიურად არიან განწყობილი ევროკავშირის მიმართ. გასულ წელს პოზიტიური მაჩვენებელი 28%-ში დაფიქსირდა.
ამავდროულად, შემცირებულია იმ ადამიანთა რიცხვი, რომლებიც ნეგატიურად იყვნენ განწყობილნი აშშ-ისა და ევროკავშირის მიმართ.
ახალი კვლევა 2019 წლის 21-27 ნოემბრის პერიოდში ჩატარდა და სულ 1616 ადამიანი გამოიკითხა.
