გერმანიის კანცლერმა საქართველოდან მეორე მსოფლიო ომის დროს დრეზდენის მუზეუმიდან გაუჩინარებული ნახატი წაიღო. ანგელა მერკელს აღნიშნული საჩუქარი საქართველოს პრემიერ-მინისტრმა მამუკა ბახტაძემ გაუკეთა.
როგორც ანგელა მერკელის Instargam-ის გვერდზე გამოქვეყნებული ინფორმაციიდან ირკვევა, 23 ნოემბერს, ვახშამზე, საქართველოს პრემიერ-მინისტრმა მას მოულოდნელი სიურპრიზი დაახვედრა და საჩუქრად გადასცა მე-17 საუკუნის ნახატი, რომელიც 1945 წლის ომის შემდეგ, დრეზდენის მუზეუმიდან გაუჩინარდა. პირველად ნახატი სსრკ-ში გამოჩნდა, საბოლოოდ კი საქართველოში დარჩა.
აღსანიშნავია, რომ მე-17 საუკუნის ფერწერული ტილო, პიეტრო ფრანჩესკო ჩიტადინის (1616-1681) მიერაა შესრულებული. ფერწერას სახელად „ნატურმორტი კურდღლით“ ქვია და შესრულებულია ზეთის საღებავით ტილოზე.
