რუსეთის პრეზიდენტ ვლადიმირ პუტინის მიერ გავრცელებული ინფორმაცია იმის შესახებ, თითქოს რუსეთის ძალებმა დონეცკის ოლქში მდებარე დასახლებული პუნქტი კონსტანტინოვკა დაიკავეს, სინამდვილეს არ შეესაბამება. ამის შესახებ უკრაინის შეიარაღებული ძალების გენშტაბის განცახდებაშია ნათქვამი.
უკრაინის შეიარაღებული ძალების გენერალური შტაბის პრესსპიკერის, მაიორ ანდრი კოვალევის ცნობით, კონსტანტინოვკა უკრაინის თავდაცვის ძალების კონტროლქვეშ რჩება.
კოვალევი აღნიშნავს, რომ აღმოსავლეთის ჯგუფი აგრძელებს თავდაცვით ოპერაციებს როგორც ქალაქში, ისე მის მისადგომებთან.
ამასთან, მისი თქმით, დაფიქსირდა რუსული მცირე ქვეითი ჯგუფების შეღწევის შემთხვევები, რის გამოც ქალაქში მიმდინარეობს კონტრდივერსიული მოქმედებები.
„3 ივლისის განმავლობაში აღნიშნულ მიმართულებაზე მტრის მიერ განხორციელდა 11 შეტევითი მოქმედება, თუმცა წარმატებას ვერ მიაღწია. ამის ნაცვლად, მტერი, უკვე არაერთხელ, მიმართავს მაღალი თანამდებობის პირების მხრიდან აშკარა დეზინფორმაციისა და სიცრუის გავრცელებას,“ -აღნიშბა კოვალევმა.
შეგახსენებთ, მანამდე ვლადიმირ პუტინმა განაცხადა, რომ რუსეთის ძალებმა „კონსტანტინოვკადაიკავეს“.
