ქრისტიან სოციალური კავშირის ხელმძღვანელი და გერმანიის შინაგან საქმეთა მინისტრი ჰორსტ ზეეჰოფერი, რომელიც თანამდებობიდან გადადგომას აპირებს, დღეს გერმანიის კანცლერ ანგელა მერკელს შეხვდება, რათა კიდევ ერთხელ განიხილოს მიგრაციის პოლიტიკა.
შეხვედრა დაგეგმილია 14:00 საათზე, თუმცა გავრცელდა ინფორმაცია, რომ ის შეიძლება ცოტა გადაიწიოს.
ერთი დღით ადრე გავრცელდა ინფორმაციას, რომ მინისტრი აპირებს თანამდებობის დატოვებას. თუმცა, მოგვიანებით მან ჟურნალისტებს განუცხადა, რომ გეგმავს დატოვოს ორივე დაკავებული თანამდებობა, უახლოესი სამი დღის განმავლობაში, მხოლოდ ანგელა მერკელთან მოლაპარაკების შემდეგ.
"მე ვთქვი, რომ დავტოვებ ორივე თანამდებობას უახლოესი სამი დღის ვადაში. ჩვენ გავაკეთებთ კიდევ ერთ შუალედურ ნაბიჯს ქრისტიან სოციალური კავშირის მიმართ. ყველა დანარჩენ დეტალებს ჩვენ გადავწყვეტთ ქრისტიან სოციალური კავშირთან მოლაპარაკებების მსვლელობისას. დღეს დავილაპარაკებთ კიდევ ერთხელ“ - განაცხადა მინისტრმა ჟურნალისტებთან სიტყვით გამოსვლისას, მიუნხენში.
მისივე სიტვებით, გეგმავს გერმანიის კანცლერს ესაუბროს სასაზღვრო კონტროლისა და დევნილების უკან დაბრუნების საკითხებზე.
29 ივნისს ბრიუსელში გამართული ევროკავშირის სამიტზე დაყრდნობით, მერკელმა განაცხადა, რომ მოილაპარაკა რიგ საკითხებზე საემიგრაციო კრიზისთან დაკავშირებით. მათ შორის იმაზეც, რომ საბერძნეთი და ესპანეთი უკან წაიყვანენ დევნილებს გერმანიიდან, რომლებიც უკვე დარეგისტრირებულნი არიან და ანაბეჭდი აქვთ აღებულ ამ ორ ქვეყანაში.
თავიდანვე მინისტრმა ზეეჰოფერმა წამოუყენა ულტიმატუმი კანცლერს და პირობა დადო, რომ თუ ევროკავშირის სამიტზე არ იქნება მიღწეული მიგრანტების მისაღები ღონისძიებების საკითხი, ის ისარგებლებს გერმანიის შინაგან საქმეთა მინისტრის უფლებამოსილებით და გასცემს მითითებას 1 ივლისიდან - არ შემოუშვან გერმანიის ტერიტორიაზე მიგრანტები, რომლებიც დარეგისტრირებული არიან სხვა ქვეყნებში. მერკელი ასეთ პერსპექტივაზე თანახმა არ იყო და აწარმოებდა მოლაპარაკებებს სამიტზე.
მერკელის აზრით, ბრიუსელში გამართული მოლაპარაკებები საკმარისი უნდა იყოს იმისთვის, რომ ზეეჰოფერმა უარი თქვას თავისი გეგმების რეალიზაციაზე.
