საქართველოს ვიცე-პრემიერმა, საგარეო საქმეთა მინისტრმა, მიხეილ ჯანელიძემ კომენტარი გააკეთა საქართველოს ბიზნეს სექტორში დასაქმებისა და ბრუნვის ზრდასთან დაკავშირებით.
საგარეო საქმეთა მინისტრის განცხადებით, აღნიშნულ შედეგს განაპირობებს სწორი ეკონომიკური პოლიტიკა.
,,ჩვენ ვხედავთ, რომ იმ ეკონომიკურ რეფორმებს, რომელიც ტარდება ქვეყანაში - ამას აქვს ძალიან კონკრეტული შედეგი. პირველ კვარტალში: გაზრდილია კერძო სექტორის ბრუნვა ძალიან მნიშვნელოვნად, გაზრდილია კერძო სექტორში დაქირავებით დასაქმებულთა რაოდენობა, ასევე გაზრდილია ანაზღაურება - ხელფასები".
მიხეილ ჯანელიძის განცადებით, ეს ყველაფერი ცხადყოფს ეკონომიკის სწორი მიმართულებით განვითარებას, მისი თქმით საქართველოს რეფორმები მნიშვნელოვანი შედეგის მომტანია.
საგარეო უწყების ხელმძღვანელის შეფასებით, აღნიშნული რეიტინგი წლის ბოლომდე შენარჩუნდება მზარდი ტენდენციით და საქართველოს ექნება დამატებითი ეკონომიკური ზრდა და ინვესტიციების შემოდინება.
