კვებეკში სამიტის დასრულებისთანავე "დიდი შვიდიანის" ქვეყნების ლიდერებმა დაუყონებლივ ორმხრივი ბრალდების გაცვლა დაიწყეს.
პრეზიდენტმა ტრამპმა და მისმა ორმა მრჩეველმა "Twitter" - ში კანადის პრემიერ-მინისტრი ჯასთინ ტრუდო გააკრიტიკეს, იმისათვის, რომ მათი სიტყვებით ის „არასამართლიან დიპლომატიას“ ეწევა.
პრეზიდენტმა ტრამპმა ასევე უარი თქვა ხელი მოეწერა „დიდი შვიდიანის“ ერთობლივ კომუნიკეზე. გერმანიის კანცლერმა ანგელა მერკელმა მის ასეთი საქციელს „დეპრესიული“ უწოდა.
ერთობლივი კომუნიკეს ტექსტი მიმართული იყო მხარეებს შორის განსხვავების მოგვარებაზე, პირველ რიგში საერთაშორისო ვაჭრობასთან დაკავშირებით.
აშშ-ს სავაჭრო პარტნიორები, განსაკუთრებით კი ევროკავშირი, კანადა და მექსიკა, დონალდ ტრამპის გადაწყვეტილებას ფოლადის და ალუმინის იმპორტის ტარიფების შესახებ მკაცრად აკრიტიკებენ.
სამიტის დასრულებისთანავე ჯასთინ ტრიუდომ პრესკონფერენციაზე განაცხადა, რომ ის წინააღმედგია ახალი ამერიკული ტარიფების და კიდევ ერთხერლ გაიმეორა - კანადა 1 ივლისიდან მიიღებს საპასუხო ზომებს.
"კანადელი ხალხი თავაზიანი და გონიერია, თუმცა ყველანაირ მოთმინებას აქვს საზღვარი" - განაცხადა პრემიერ-მინისტრმა.
ამერიკის პრეზიდენტის თქმით, მისი ეს გადაწყვეტილება მიღებულ იქნა "ჯასთინ ტრიუდოს "არასწორი განცხადებების გამო. ასევე იმიტომ, რომ "კანადა აკისრებს უზარმაზარ საფასურს ამერიკელ ფერმერებს, მუშებს და კომპანიებს".
