აშშ-ის პრეზიდენტის დონალდ ტრამპისა და ჩრდილოეთ კორეის ლიდერის კიმ ჩენ ინის სინგაპურში დაგეგმილი შეხვედრის ფარგლებში, ხვალ ჩაფრინდება თვითმფრინავი, რომლის ბორტზეც იქნება საკვები პროდუქტები ჩრდილოეთ კორეის ლიდერისთვის. შეხვედრა 12 ივნისს გაიმართება.
აეროპორტი „ჩანგი“ თვითმფრინავს მაცივრებით აღჭურვილი სატვირთო მანქანებით დახვდება.
ასევე სინგაპურში ჩააფრენენ რამდენიმე მერსედესის ლუქს კლასის ავტომობილს, რომლებიც ლიდერის ესკორტში ჩადგებიან. თავად ლიდერი სავარაუდოდ "BMW 7"-ის მარკის ავტომობილით გადაადგილდება, რომელიც უკვე სინგაპურშია.
კიმ ჩენ ინი მედიის ცნობით, ასევე 10 ივნისს ჩაფრინდება სინგაპურში.
მის ჩასვლამდე ჩაფრინდება ჩრდილოეთ კორეის დელეგაცია, 100 კაცზე მეტი შემადგენლობით.
