მირზა სუბელიანის გამოკითხვისთვის კანონმდებლობით განსაზღვრული 9-საათიანი ვადა იწურება. თბილისში, ხორავას ქუჩაზე მომხდარი მკვლელობის ერთ-ერთი მოწმის მამა, პროკურატურის ყოფილი თანამშრომელი, მირზა სუბელიანი შინაგან საქმეთა სამინისტროში გამოკითხვაზე დღეს, დაახლოებით 14:30 საათზე შევიდა და მისი გამოკითხვა ამ წუთამდე მიმდინარეობს. კანონმდებლობით განსაზღვრული ვადის გასვლის შემდეგ პირი ან უნდა გაათავისუფლონ ან უნდა დააკავონ.
შსს-ს მირზა სუბელიანის მეორედ დაბარებასთან დაკავშირებით, განმარტება არ გაუკეთებია. პირველად მირზა სუბელიანი უწყებაში 1-ელ ივნისს იმყოფებოდა. როგორც მან უწყების დატოვების შემდეგ განაცხადა, გამოძიებას ამომწურავი ინფორმაცია მიაწოდა. რატომ დაიბარეს ის შსს-ში განმეორებით, უცნობია. ამასთან დაკავშირებით შსს-ში დღეს განმარტება ჯერ არ გაკეთებულა.
