თბილისის საქალაქო სასამართლომ "ქართული მარშის" დაკავებული შვიდი წევრიდან, ხუთს აღკვეთის ღონისძიების სახით მისჯილი პატიმრობა გირაოთი შეუცვალა და დარბაზიდან გაათავისუფლა. ორი პირი კი, ლუკა ნაცვლიშვილი და გიორგი ონიანი პატიმრობაში დატოვა. აღნიშნული გადაწყვეტილება მოსამართლე ვახტანგ მრელაშვილმა ამ წუთებში გამოაცხადა.
დაკავებულებს ბრალად ედებოდათ წინასწარი შეთანხმებით ჯგუფური ხულიგნობა, თუმცა მათგან ერთს გამოძიება დამატებით ცემას, ერთს კი სხვისი ნივთის დაზიანებას ედავება.
ცნობისთვის, „ქართული მარშის“ წევრები ტელეკომპანია „რუსთავი ორთან“ მომხდარი ინციდენტის გამო, სისხლის სამართლის წესით 21 მარტს დააკავეს. „რუსთავი ორის“ შენობასთან „ქართული მარშის“ წევრებმა აქცია 19 მარტს გამართეს. აქციის მონაწილეებმა ჟურნალისტ გიორგი გაბუნიას გზა გადაუკეტეს და აცხადებდნენ, რომ ქრისტიანებისთვის შეურაცხმყოფელი განცხადების გამო, მან ბოდიში უნდა მოიხადოს.
