ბატონო მოსამართლევ, არ მოექცეთ პროკურორების გავლენის ქვეშ, - ასე მიმართა „ქართული მარშის“ წევრმა, ბრალდებულმა ლადო სადღობელაშვილმა საქმის განმხილველ მოსამართლეს ვახტანგ მრელაშვილს.
ამასთან, სადღობელაშვილის თქმით, ის სთხოვს მოსამართლეს, გაითვალისწინოს მისი ჯანმრთელობის მდგომარეობაც.
ამ წუთებში თბილისის საქალაქო სასამართლო ბრალდებულებისთვის აღკვეტს ღინისძიების საკითხს განიხილავს.
დაკავებულებს ბრალად ედებათ წინასწარი შეთანხმებით ჯგუფური ხულიგნობა, თუმცა მათგან ერთს გამოძიება დამატებით ცემას, ერთს კი სხვისი ნივთის დაზიანებას ედავება.
ცნობისთვის, „ქართული მარშის“ წევრები ტელეკომპანია „რუსთავი ორთან“ მომხდარი ინციდენტის გამო, სისხლის სამართლის წესით 21 მარტს დააკავეს. „რუსთავი ორის“ შენობასთან „ქართული მარშის“ წევრებმა აქცია 19 მარტს გამართეს. აქციის მონაწილეებმა ჟურნალისტ გიორგი გაბუნიას გზა გადაუკეტეს და აცხადებდნენ, რომ ქრისტიანებისთვის შეურაცხმყოფელი განცხადების გამო, მან ბოდიში უნდა მოიხადოს.
