ჰოლანდიის დედოფალის უმცროსი და, ინეს სორეგეტა ბუენოს-აირესში საკუთარ ბინაში გარდაცვლილი იპოვეს. იტყობინება არგენტინული გამოცემა „La Nación“.
ინფორმაცია მისი გარდაცვალების შესახებ დაადასტურეს ჰოლანდიის მთავრობის პრეს-სამსახურშიც.
„მე ვადასტურებ, რომ ინეს სორეგეტა, ჰოლანდიის დედოფლის მაქსიმის და, გუშინ ღამით გარდაიცვალა“ - განაცხადეს პრეს ცენტრში.
სორეგეტას ბინა ალმაგროს რაიონშია განთავსებული. ადგილზე მუშაობენ ადგილობრივი სამართალდამცველები.
მედიის ცნობით 33 წლის ინესი მძიმე დეპრესიას განიცდიდა. ზუსტი ინფორმაცია მისი გარდაცვალების მიზეზების შესახებ ჯერჯერობით არ ვრცელდება.
