აშშ-ის პრეზიდენტმა დონალდ ტრამპმა შეიწყალა ნარკორეალიზატორი ქალი ელის მარი ჯონსონი, რისთვისაც მანამდე კიმ კარდაშიანმა თხოვნით მიმართა. ამის შესახებ კიმი თავის „Twitter“ გვერდზე წერს.
მედიის ცნობით, 67 წლის აფროამერიკელს პატიმრობიდან მალე გაათავისუფლებენ. კარდაშიანი ელისის გათავისუფლებას „საუკეთესო სიახლეს" უწოდებს.
"მასთან საუბარი იქნება ერთ-ერთი ყველაზე ბედნიერი მოგონება ჩემს ცხოვრებაში. როცა გაიგო გათავისუფლების შესახებ ის ბედნიერებისგან ყვიროდა და ჩვენ ორივე ავტირდით. ამ მომენტს მე არასოდეს დავივიწყებ“ - წერს კიმ კარდაშიანი.
ჯონსონის საქმეს გასულ კვირას ფართო რეზონანსი მოჰყვა. კიმ კარდაშიანმა მოახერხა პრეზიდენტთან შეხვედრა, ასევე მის სიძესთანაც. როგორც აღმოჩნდა, ის იბრძოდა ჯონსონის გათავისუფლებისთვის. ტრამპმა კარდაშიანთან შეხვედრის შესახებ თავად დაწერა თავის სოციალურ გვერდზე.
ცნობისთვის, ელის მარი ჯონსონი 1996 წელს გაასამართლეს ნარკოტიკებით ვაჭრობისთვის. მას მიუსაჯეს სამუდამო პატიმრობა ვადამდე გათავისუფლების მოთხოვნის გარეშე.
