„სიბეცე ამის ჩვენთვის დაბრალებაა. საპატრიარქოს ავტორიტეტს ბოტკოველის მსგავსი მღვდლები ლახავენ. თუ საპატრიაქროს ავტორიტეს უფრთხილდება, ასეთ სისულელე განცხადებებს ნუ გააკეთებს“, - ასე გამოეხმაურა „ჯი-ეიჩ-ენთან“ დეკანოზ გიორგი მამალაძის ადვოკატი, გიორგი ფანცულაია პატრიაქრის მდივნის, მიქაელ ბოტკოველის განცხადებას.
ბოტკოველმა სიბეცე უწოდა სასამართლოს დახურული სხდომებიდან ინფორმაციის საპატრიაქროდან გაჟონვას. ადვოკატი კი აცხადებს, რომ ეს გამორიცხული სულაც არ არის.
„ ჟურნალისტმა მკითხა, შესაძლებელი იყო თუ არა, ინფორმაცია საპატრიაქოდან გასულიყო, რაზეც ვუპასუხე, რომ ამ ფაქტს არ გამოვრიცხავდი. ახლაც ვიმეორებ, ამ ფაქტს ვერც გამოვრიცხავ და ვერც დავადასტურებ. აქვე მინდა გითხრათ, რომ ეს მასალები სწორედ იმ პროკურატურას და იმ სასამართლოს მოეპოვება, რომელსაც ბოტკოველი ნდობას უცხადებს. შესაბამისად, მხოლოდ ჩვენსკენ ნუ იშვერს ხელს. თუმცა, ეს არც გამკვირვებია, რადგან ბოტკოველის და რიგი სასულიერო პირების განწყობა, დამოკიდებულება, მოქმედებები და ის, ვინ რას წარმოადგენს, დიდი ხანია ცნობილია. ერთს ვიტყვი, საზოგადოების წინაშე მაინც იყვნენ მეტნაკლებად ნეიტრალურები.
ამას გარდა, ეს საქმე დასრულებული არისო, პროკურატურასაც კი არ უთქვამს. როგორც ჩანს, ბოტკოველი პოკურორზე მეტი პროკურორია. სირცხვილია, მისი სულიერი ძმის დახმარების ნაცვლად, ეს საქმე მორჩესო, რომ ამბობს“, - განაცხადა ფანცუალაიამ.
პატრიარქის მდივანმა დღეს ჟურნალისტებსაც მიმართა, რომ აღნიშნული თემის დრამატიზებას ნუ მოახდენენ, რადგან განაჩენი უკვე გამოტანილია და ,,ვინც ამას ვერ ეგუება, მისი პრობლემაა“. ამასთანავე, მან განაცხადა, რომ ინფორმაცია შესაძლოა, სწორედ ადვოკატებისგან გავიდა.
