საქართველოს პრემიერმინისტრ გიორგი კვირიკაშვილის განცხადებით, გასამმაგდა იმ ადამიანების რაოდენობა ვინც ქუთაისის აეროპორტით, კომპანია "ვიზეარის" სერვისით სარგებლობს.
მისივე განცხადებით, კომპანიის მხრიდან როგორც შემოყვანილი, ისე გაყვანილი ტურისტების რაოდენობა, განსაკუთრებით, ვიზალიბერალიზაციის შემდეგ გაიზარდა.
"დღეს გვქონდა კომერციულ დირექტორთან საუბარი და კომპანიამ მიიღო გადაწყვეტილება დაამატოს 1 თვითმფრინავი ქუთაისის ბაზას, რაც ძალიან მნიშვნელოვანია და ასევე დაამატოს 4 ახალი მიმართულება მომავალი წლის მაისიდან, დაემატება პარიზი, რომი, ბარსელონა და პრაღა," - განაცხადა კვირიკაშვილმა "ვიზეარის" წარმომადგენლებთან შეხვედრის შემდეგ.
ცნობისთვის, "ვიზეარი" ქუთაისის საერთაშორისო აეროპორტიდან ახალ მიმართულებებს ამატებს. ავიაკომპანიის ვებგვერდზე უკვე ხელმისაწვდომია ავიაბილეთები ბარსელონას, პრაღის,რომის, პარიზის მიმართულებით.
