მაინტერესებს, ალეკო ელისაშვილთან რატომ უნდა დავჯდე დებატებში, - ასე გამოეხმაურა "ქართული ოცნების" თბილისის მერობის კანდიდატი კახა კალაძე დედაქალაქის მერობის დამოუკიდებელი კანდიდატის, ალეკო ელისაშვილის დებატებში დაჯდომის შეთავაზებას.
როგორც კალაძემ ტელეკომპანია "პირველის" გადაცემა "რეაქციაში" განაცხადა, ალეკო ელისაშვილის მხრიდან ეს არის პოპულისტური განცხადება.
"მაინტერესებს, ალეკო ელისაშვილთან რატომ უნდა დავჯდე დებატებში? არის მერობის 7 ოპოზიციური კანდიდატი, რომლებიც არიან წარმოდგენილები და ჩართულები საარჩევნო პროცესში. რატომ უნდა დავჯდე სადებატოდ ელისაშვილთან ან რატომ არ უნდა დავჯდე კახა კუკავასთან, ან გუგავასთან. არსებობს ფორმატი, რომელიც შემოთავაზებული აქვთ ტელევიზიებს და ჩვენ ვიღებთ მონაწილეობას ამ დებატებში", - აღნიშნა კახა კალაძემ.
