ოპოზიციის არათანმიმდევრილობის და არასწორი პოზიციის გამო, შეუძლებელი გახდა პროპორციულ სისტემაზე გადასვლა 2020 წლისთვის, - ამის შესახებ პარლამენტის თავმჯდომარე ირაკლი კობახიძემ ტელეკომპანია "იმედის" პირდაპირ ეთერში განაცხადა.
მისი თქმით, ოპოზიციის უარი გახდა მიზეზი ზუსტად იმისა, რომ ვერ შედგა კონსენსუსი 2020 წელს პროპორციულ სისტემასთან დაკავშირებით.
"ჩემი პრინციპული პოზიცია იყო ის, რომ ჩვენ აუცილებლად უნდა გადავსულიყავით პროპორციულ სისტემაზე. ოპოზიციის არათანმიმდევრილობის და არასწორი პოზიციის გამო, შეუძლებელი გახდა პროპორციულ სისტემაზე გადასვლა 2020 წლისთვის.
ამასთან დაკავშირებით აზრთა სხვადასხვაობა იყო უმრავლესობაში და ამის შესახებ ღიად ვუთხარით ოპოზიციას. როგორც კი დავბრუნდით ვენეციიდან, ჩვენ შევხვდით უმცირესობის წარმომადგენლებს და ვთხოვეთ მხარდრაჭერა. მათგან მივიღეთ ცივი უარი. ეს გახდა მიზეზი ზუსტად იმისა, რომ ვერ შედგა კონსენსუსი 2020 წელს პროპორციულ სისტემასთან დაკავშირებით“, - განაცხადა კობახიძემ.
ცნობისთვის, საქართველოს პარლამენტმა 117 ხმით 2-ის წინააღმდეგ საქართველოს კონსტიტუციაში ცვლილებების პროექტი დაამტკიცა.
