საქართველოს საგარეო საქმეთა მინისტრ მიხეილ ჯანელიძის განცხადებით, საგარეო საქმეთა სამინისტრომ ყველა რესურსი გამოიყენა, კონგოში ტყვედ ჩავარდნილი ქართველის დასახმარებლად.
მისივე თქმით, არ შეიძლება, ყველაფერი იყოს პოლიტიზებული, მათ შორის ადამიანის ბედი.
"ამ სენსიტიურ გარემოში ვცდილობდით ტრანსფარენტულობა შეგვენარჩუნებინა და დღესაც ვცდილობთ, გადავდგათ ის ნაბიჯები, რომელიც მართებულია. ვაგრძელებთ ჩვენი საელჩოსა და საკონსულო დეპარტამენტის მეშვეობით მუშაობას. ყველა დაინტერესებული მხარე ინფორმირებულია. რაც შეეხება აქციებს, ამ საკითხის პოლიტიზირება არის ძალიან დასანანი ნაბიჯი. არ შეიძლება, ყველაფერი იყოს პოლიტიზებული, მათ შორის ადამიანის ბედი და სიცოცხლე გამოყენებულ იქნას ოჯახის წევრების ემოციები პოლიტიკური მიზნებისთვის. ჩვენ ვცდილობდით, ნაკლები პოლიტიზირებით, ნაკლები ხმაურით, საქმე გაგვეკეთებინა", - განაცხადა მიხეილ ჯანელიძემ.
