თბილისის მერის, დავით ნარმანიას განცხადებით, პეკინის გამზირის რეაბილიტაცია 10 სექტემბრამდე დასრულდება.
მისივე ინფორმაციით, პეკინის გამზირის მარჯვენა ნაწილზე მიწისქვეშა სამუშაოები თითქმის დასრულებულია.
„პეკინის გამზირზე გეგმა გრაფიკის მიხედვით მიმდინარეობს მუშაობა, ჩამორჩენა არა გვაქვს, ტექნიკური მიწისქვეშა კომუნიკაციების ძირითადი ნაწილი მარჯვენა მხარეს გამოცვლილია, სადაც ჩაკეტილი იყო მოძრაობა და კომუნიკაციების კომპანიებთან ერთად ინტენსიურად ვმუშაობდით. კომპანია GWP-ს ამჟამად გერმანელი სპეციალისტები ჰყავს, რომელთან ერთადაც მუშაობენ მიწისქვეშა კომუნიკაციების მოწესრიგების სამუშაოებზე. გეგმა გრაფიკის მიხედვით მიმდინარეობს და მნიშვნელოვანია ის, რომ ჩვენ კარგი ტემპებით მივდივართ და 10 სექტემბრამდე დავასრულებთ სამუშაოებს“, - განაცხადა დავით ნარმანიამ.