მერიის დაკავებული თანამშრომლის, ოთარ აბესაძის ადვოკატის, ირმა ჭკადუას განცხადებით, სახელმწიფო უსაფრთხოების სამსახურის შენობაში იმისთვის დაიბარეს, რომ აბესაძეს ბრალდება წარედგინოს.
„გავეცანი საქმის მასალებს. ახლა დაგვიკავშირდნენ. შევდივართ იმისათვის, რომ წარედგინოს ბრალდება. მოგვიანებით საქმე გადაიგზავნება სასამართლოში. დისკები არ გვინახავს“, - განაცხადა ჭკადუამ.
შეგახსენებთ, რომ თბილისის მერიის თანამშრომელი სუს-მა 12 ივლისს დააკავა.