„მე ვარ სასამართლოზე დაბარებული, რომელიც ეხება მამალაძის საქმეს, მაგრამ, ჩემი მოსაზრებები მამალაძის თემას არ ეხება”, - ამის შესახებ ანალიტიკოსმა არჩილ გამზარდიამ ე.წ. ციანიდის საქმეზე დაკითხვამდე განაცხადა.
მისივე განმარტებით, საქმე შესაძლოა, პატრიარქის ლიკვიდაციის თემას შეხებოდა.
„მე ვარ სასამართლოზე დაბარებული, რომელიც ეხება მამალაძის საქმეს, მაგრამ, ჩემი მოსაზრებები მამალაძის თემას არ ეხება. ჩემი პოზიცია იყო პატრიარქთან მიმართებაში და საინტერესოა, მიმდინარე სასამართლო თუ აისახება იმ კონტექსტში, რა კონტექსტზეც მე ვსაუბრობდი. იმიტომ, რომ ეს არის ორი ერთმანეთისგან დამოუკიდებელი ნაწილი. ვნახოთ, თუ გამოადგებათ ჩემი ჩვენება. რაც მე აქამდე გამოვხატე, ჩემი პოზიციები არ შეცვლილა, რომ საქმე შესაძლოა გვქონოდა პატრიარქის ლიკვიდაციის თემასთან.
ნებისმიერი გადაწყვეტილების მიუხედავად, მე ვიტოვებ უფლებას, როგორც მოქალაქე, ჩემი მოსაზრება მქონდეს. მე მაქვს მოსაზრება, რომ ეს არის პატრიარქის ლიკვიდაციის შესაძლო პროცესი და ყველა სხვა დანარჩენი დეტალია“, - აცხადებს არჩილ გამზარდია.
